غدانا اليوم شاينيز رايز ماأدري اليوم الصبح من صحيت من النوم
وخاطري صاير في هالرز وعندي رز ابض باقي في الثلاجة
طلعت نص دجاجه وسلقتها وفتتها
حضرت كوسا وفليفله وجزر وبصل اخضر وقطعته مربعات صغيرة
فرمت ثوم وزنجبيل طازج
طريقتي
جبت طاوة وحمست البصل والفلفل البارد بالزيت ضفت عليه الكوسا والجزر
وبعدين الثوم والزنجبيل وحركتهم على النار
أضفت الفلفل الأسود والأجينا موتو وشوية من صلصة الصويا وصلصة الأوستر
والدجاج المفتت وقلبتهم على النار وتركته شوي لغاية ماتجانست المكونات
خلطت الخلطة مع الرز
وبس خلصت السالفة
هذي الشكل النهائي للطبق
أممممممممممم هذي قبل يخلص الصحن
صحتين وعافية
